Шокантното видео е снимено на северот на Кина, во градот Доннин, во моментот кога лав напаѓа тренер за време на настап.
Инцидентот се случил на 22 септември пред уплашената публика, но немало жртви.
Лавот прво скокнал на скротувачот. Мажот успеал да го избегне смртоносниот напад и да се засолни на безбедно место.
Публиката била исплашена и почнала да вреска додека ја следела сцената.
„Кога животните беа пуштени во кафезот, тренерот се обиде да ги раздвои со стап. Тогаш лавот се нафрли врз него. Зашеметени, почнаа да бегаат“, изјави еден од сведоците.
Настапот веднаш бил прекинат, а циркусот ѝ ги вратил парите на публиката, пишува Daily Mail.
Еден ден подоцна, градоначалникот на Доннин откри дека лавот не го каснал тренерот, туку дека човекот се здобил со повреди на раката. Тој додаде дека циркусот има дозвола за настап во нивната област.
Инцидентот се случи шест месеци по драмата во кинескиот град Луојан, каде два лава избегаа од циркус.
Медиумот потсетува дека животните нашле излез од кафезот и предизвикале вистинско стампедо во публиката.
