Кошаркарот на Лос Анџелес Лејкерс, Леброн Џејмс, изрази силна доверба во своите соиграчи, велејќи дека во тимот има пет играчи кои се способни редовно да погодуваат над 20 поени.
„Имаме добро избалансиран ростер. Имаме четворица, можеби петорица играчи кои се способни за над 20 поени на секој натпревар. Сѐ додека се браниме и дејствуваме ефикасно, задоволство е да се гледа нашиот тим“, рече Леброн.
Лејкерс новата сезона ја почнаа со пораз од Лос Анџелес Клиперс и победа над Далас Маверикс. Вечер во 4 часот по полноќ играат дома со Минесота Тимбервулвс.
