Може ли Вил Смит да остане без освоениот Оскар поради нападот врз Крис Рок?

Вил Смит освои Оскар за најдобар актер, а медиумите веќе шпекулираат за тоа дали Американската филмска академија може да му го одземе поради нападот врз комичарот Крис Рок во текот на доделувањето на наградите.

Смит синоќа го освои неговиот прв Оскар за улогата во филмот „King Richard“, но вечерта беше одбележана по шлаканицата што Рок во улога на водител ја доби откако се пошегува со кратката фризура на Џејда Пинкет Смит, која страда од опаѓање на косата, алопеција.

За физичкиот напад Академијата се огласи на Twitter.

„Академијата не дозволува насилство во кој било облик. Вечерва со задоволство ги славиме добитниците на 94. доделување на Оскарите, кои заслужуваат во овој момент признанија од нивните колеги и филмските обожаватели низ светот“, стои во објавата.

Уште не е познато што ќе биде со доделената награда на Вил Смит, но полицијата потврди дека нападнатиот комичар Крис Рок не поднел полициска пријава.

Смит ја доби наградата за најдобар актер по инцидентот и во говорот упати извинување.

„Сакам да се извинам на Академијата, сакам да се извинам на сите мои номинирани колеги. Ова е прекрасен момент и не плачам поради освојување на наградата, не станува збор за тоа. Станува збор за тоа дека сите луѓе може да ги опсипете со светлина“, изјави тој.