Метаболизмот ги стимулира механизмите на согорување на мастите дури и кога само седиме. Освен што ќе го охрабриме да работи подобро, дали може да се случи да влијаеме негативно на метаболизмот и да го забавиме?
Метаболизмот е многу сложен збир на хемиски трансформации кои варираат од личност до личност. Постојат голем број на мали нешта кои можете сами да ги направите и да го поттикнете метаболизмот, но и голем број грешки кои можат да ја влошат состојбата на организмот тој ден.
Ова се најчестите грешки што ги правите.
Не сте спиеле доволно
Ако хронично ви недостига сон, немојте да се изненадите ако се здебелите неколку килограми без да се прејадувате. Недостатокот на сон може да доведе до дигестивни проблеми и уште поважно, ќе согорите помалку калории, ќе имате послаба контрола на апетитот и ќе го зголемите нивото на кортизол, што складира маснотии.
На здрава личност во просек ѝ требаат седум до девет часа сон, иако тоа може да варира во зависност од организмот.
Го започнавте денот жедни
Еден од најдобрите и најевтините начини за зајакнување на метаболизмот е да пиете многу вода веднаш по будењето. Додека спиеме, нашите метаболички функции се забавуваат и не внесуваме доволно течности. Експертите советуваат дека е добро да го хидратираме телото пред повторно да јадеме.
Непотребен стрес
Непотребниот и ненадеен стрес, како што е нервози поради сообраќајот, не му носи ништо добро на телото. Покрај тоа што предизвикува главоболки, гадење, висок крвен притисок, болки во градите и проблеми со спиењето, предизвикува и побавно варење.
Пиете премногу кофеин
Бројни истражувања покажуваат дека кофеинот наутро го стимулира варењето. Сепак, експертите исто така истакнуваат дека премногу кофеин во текот на денот доведува до спротивен ефект. Имено, кофеинот природно го потиснува апетитот и доколку го конзумирате постојано, веројатно ќе јадете помалку или нема ни да сфатите колку навистина сте гладни. Недоволното внесување храна го нарушува и варењето.
Не јадете доволно овошје
Овошјето е богато со пектин, растителен полисахарид, желатинозна супстанца која ги врзува токсичните материи од крвта и ги филтрира преку урината. Од друга страна, цитрусните пектини ја зголемуваат уринарната екскреција на жива за 150 проценти во рок од 24 часа од консумирањето. Најдобри извори на пектин се јаболката со кора, но и грејпфрутот, портокалите и праските.
Премногу ви е жешко дома или на работа
Ако ја намалите температурата во просторијата во која се наоѓате, вашето тело ќе мора само да ја регулира температурата. Така, можеби ќе треба да работи напорно, што е дефинитивно подобро отколку да му сервирате сауна. Истото важи и за температурата на која спиете - оние кои спијат на температура не повисока од 18°C, потешко се дебелеат.
Не сте јаделе јаглехидрати
Иако премногу јаглехидрати доведуваат до зголемување на телесната тежина, јадењето премалку јаглехидрати може да има сличен ефект. На нашите мускули им се потребни јаглехидрати за да произведат енергија, па ако ништо друго, добро е да ги консумираме пред вежбање.
Пребрзо сте изгубиле тежина
Метаболизмот не сака нагли и големи промени, па брзото слабеење може да доведе до дигестивни проблеми.
Вежбате во погрешно време
Експертите велат дека излегувањето и тренингот на отворено во раните утрински часови помагаат во регулирањето на деноноќниот ритам. Влијае и контролира многу функции во телото, вклучително и колку можете да јадете, колку добро спиете, колку енергија согорувате... Истражувањата покажаа дека луѓето кои рано почнуваат да вежбаат имаат помал индекс на телесна маса.
Премногу апчиња
Апчиња за хронична терапија не можат да се избегнат, но може да се избегне прекумерна потрошувачка на додатоци во исхраната и аналгетици кои можат да го нарушат варењето.
Премалку јадете
Ако телото не добива доволно гориво, ќе оди во состојба на глад. Тогаш метаболизмот значително се забавува и телото се прилепува за остатокот од енергијата. Дури и ако сте на диета, најдобро е да јадете малку и често за да останете активни без да се исцрпите.
Јадете премногу слатка храна
Избегнувањето на храна богата со шеќер е секогаш добра идеја, особено затоа што го забавува вашиот метаболизам. Заменете ги слатките, чоколадото и сладоледот со свежо овошје.
Сте испиле премногу
Лоши вести за оние кои сакаат да се забавуваат - алкохолот согорува калории побавно од вообичаено, а дигестивниот систем забавува.
Седите речиси цел ден
Претпоставувајќи дека спиете седум часа во просек, а потоа поминувате седум до десет часа седејќи на работа, а потоа можеби дури и пред телевизорот пред спиење, тоа е сериозна битка на часови поминати во седечка положба. Нашите тела не се создадени за таква неактивност и тоа секако ќе го забави метаболизмот и ќе го отежне варењето.
Работите ноќе
Истражувањата покажаа дека луѓето кои спијат повеќе во текот на денот согоруваат помалку калории од оние кои спијат повеќе ноќе.
