Сигурно сте имале утра кога сте се разбудиле поспани, без енергијата која ви е потребна за секојдневните обврски. Со пократките денови и студеното време, оваа појава е уште почеста.
Освен раното легнување, постои една едноставна работа што можете да ја правите секое утро за брзо да ја добиете потребната енергија.
Инструкторката за дишење Гвен Дитмар ја препорачува техниката за дишење 4-4-4-4 која ги забавува отчукувањата на срцето, ја продлабочува концентрацијата и ја зголемува нашата ефикасност.
Применувајте ја наутро за да се разбудите, или среде денот доколку сте поспани, а ефикасна е и пред важен состанок кој бара дополнителна концентрација.
Оваа техника на дишење го вклучува следново:
- Започнете со испуштање на целиот воздух од градите и задржување на здивот 4 секунди;
- Дишете низ носот 4 секунди;
- Задржете го здивот на врвот на вдишувањето 4 секунди;
- Издишете низ носот 4 секунди;
- Задржете го здивот на дното на издишувањето 4 секунди.
После 5 минути повторете ја оваа техника, а потоа треба да се чувствувате будни и енергични.