НАСА наслушнува за каков било сигнал од Voyager 2 откако изгубил контакт со леталото, кое е оддалечено милијарди километри.
Фрлајќи се сè подлабоко во меѓуѕвездениот простор, Voyager 2 изгуби контакт со Земјата откако контролорите на летот случајно испратија погрешна команда пред повеќе од една недела, навалувајќи ја својата антена подалеку од Земјата.
Антената на леталото се поместила само за 2%, но тоа било доволно за да се прекине комуникацијата. НАСА вчера објави дека нејзината огромна антена во Канбера бара залутани сигнали од Voyager 2, кој е оддалечен повеќе од 19 милијарди километри, пишува The Guardian.
Потребни се повеќе од 18 часа за сигнал да стигне до Земјата од толку голема далечина. Voyager 2 беше лансиран од Флорида во 1977 година за да го проучува надворешниот Сончев Систем, како и Јупитер, Сатурн, Уран и Нептун. Беше лансиран само неколку недели пред неговиот идентичен близнак Voyager 1. Влезе во меѓуѕвездениот простор во 2018 година, откако откри мноштво нови месечини на Уран и една на Јупитер.
Во наредната недела, антената во Канбера исто така ќе ја „преплави“ околината на Voyager 2 со правилна команда, надевајќи се дека ќе ја погоди целта, според лабораторијата за млазен погон на НАСА, која управува со мисиите Voyager. Во спротивно, НАСА ќе мора да почека до октомври за автоматско ресетирање на леталото, кое треба да воспостави комуникација.