Словачкиот спортист Борис Оравец, љубител на екстремни спортови, доживеа непријатен момент откако се нурна во замрзнато езеро.
Откако одлучи да плива под лед, Оравец неколку метри од излезот стана дезориентиран и очајнички бараше насоки од своите помошници како да излезе од замрзнатото езеро.
Во еден момент го фати и паника, а неколку асистенти се обидоа со сопственото тело и со удари да го пробијат ледот.
По неколку секунди очај Борис стана доволно смирен за да го побара безбедносното јаже и така успеа да се извлече од замрзнатото езеро.
Оравец инаку игра хокеј, а се занимава и со Кросфит.
