Кошаркарите на Селтикс ја совладаа Атланта Хокс во Бостон со 105:95 и со тоа ја потврдија одличната форма бидејќи ова беше нивни осми последователен триумф.
Сепак, не им одеше баш најдобро на Селтикс бидејќи веќе заостануваа 11 поени по првата четвртина. До крајот на првото полувреме не успеаја да се наметнат, па на пауза се замина со резултат од 45:55 за Атланта.
Во третата четвртина целосен пресврт и феноменална партија на Бостон. Во таа четвртина успеаја да постигнат дури 42 поена, па без проблем го приведоа натпреварот кон крајот и забележаа нова победа.
Феноменален за Бостон беше Џејсон Тејтум со дабл-дабл ефект од 38 поени и 10 скока, а голема помош имаше од Џејлен Браун кој постигна 17 поени. Тре Јанг за Атланта постигна 30 поени и 10 асистенции, додека Богдан Богдановиќ постигна 26 поени што е негов рекорд сезонана.
Бостон е на 6. место во Источната конференција со 33 победи и 25 порази, додека Атланта е на 10. место во истата конференција со сооднос 26-30.
Во преостанатиот натпревар одигран синоќа, Минесота Тимбервулвс беа подобри со 129-120 од Индијана Пејсерс.