Volkswagen ја продолжува тизер кампањата најавувајќи го пристигнувањето на новиот Amarok, а по првите што ги видовме во јануари, сега се појавија и нови скици за пикапот.
Новите тизери го прикажуваат пикапот од страна и одзади, а од Volkswagen велат дека пикапот го прикажуваат во речиси производствена форма.
Затоа, јасно е дека финалната верзија на Amarok нема да биде толку агресивна, што пред сѐ се однесува на пренагласените браници и гуми со низок профил. Сепак, тизерите сè уште ја претставуваат општата идеја за тоа што може да се очекува од новиот Amarok.
Веќе е познато дека ќе биде малку поголем од моделот во заминување, ќе биде придвижуван од V6 TDI мотор и ќе се базира на платформата T6 на Ford. На некои пазари може да се понуди со четирицилиндарски турбо мотор.
Покрај изгледот, новите тизери ветуваат технологија за помош на возачот за која VW вели дека е нова во сегментот од средната класа. Освен што ќе биде поголем, Amarok ќе има и поголем клиренс.
Volkswagen ќе го претстави новиот Amarok оваа година и ќе го продава на светските пазари.
