Warner Bros. Pictures го објави првиот трејлер за новиот филм Meg 2: The Trench.
Пет години откако оригиналниот Meg излезе во кината, Џејсон Стејтам се враќа како Џонас Тејлор, нуркач кој преживеал смртоносна средба со праисториски суштества.
На Стејтам ќе му се придружат Сиена Гилори, Клиф Кертис и Шуја Софија во борбата против едно од најголемите суштества во историјата. Гилори беше модел пред нејзината актерска кариера, а имавме шанса да ја видиме во филмот Clifford: The Big Red Dog. Кертис глумеше во блокбастерот Avatar: The Way of Water како водачот на племето Меткајина, пишува Collider.
Во првиот филм, Тејлор го спасува екипажот на нуклеарна подморница која ќе се расипе. По пристигнувањето на местото на катастрофата, возилото е нападнато од неидентификувано суштество. Тејлор ги известува своите претпоставени за инцидентот, но тие го обвинуваат дека измислува работи поради притисокот под кој бил под вода. Џек Морис (Рејн Вилсон), милијардер кој започна мисија за истражување непознат дел од Маријанската Бразда, предоцна го прифаќа фактот дека мегалодоните не се изумрени и дека луѓето треба да се држат настрана од нив.
Продолжението е инспирирано од книгата The Trench од Стив Алтен од 1999 година. Во тој роман, Тејлор е целосно посветен на проучувањето на мегалодонот откако открива дека видот не е изумрен. Она што Тејлор не можеше да го очекува е да се соочи лице в лице со Кроносаурус, диносаурус со краток врат кој можел да живее во вода.
Meg 2: The Trench пристигнува во кината на 4 август.