Се очекува Samsung да ја претстави флегшип серијата Galaxy S23 во февруари следната година. Сега добиваме информации за батериите и полнењето на овие модели.
Познатиот типстер Ice Universe сега известува дека Galaxy S23 и Galaxy S23 Plus ќе имаат малку зголемен капацитет на батеријата во споредба со нивните претходници. За жал, брзината на полнење ќе остане идентична.
Така, тој наведува дека обичниот Samsung Galaxy S23 ќе пристигне со капацитет на батерија од 3900mAh, со поддршка за брзо полнење од 25W. Ова е зголемување од 200 mAh во однос на Galaxy S22.
Samsung Galaxy S23 Plus, исто така, ќе има 200mAh поголема батерија во споредба со батеријата од 4700mAh што се наоѓа на претходниот модел. И Galaxy S23 и S23+ ќе пристигнат со поддршка за брзо полнење од 25 W.
Најмоќниот член на оваа серија, Samsung Galaxy S23 Ultra, ќе пристигне со истата батерија како и неговиот претходник. Станува збор за батерија од 5000 mAh со поддршка за брзо полнење од 45 W.
Дополнително, протекоа и првите промо фотографии за телефоните Galaxy S23 Ultra и Galaxy S23+. Вториот е прикажан во розова боја, додека S23 Ultra е прикажан во зелена боја.
Според некои извештаи, серијата Galaxy S23 би можела да биде лансирана на самиот почеток на февруари следната година, поточно на 1 февруари 2023 година. Сепак, има некои други извештаи кои сугерираат дека оваа серија ќе биде лансирана во втората половина на февруари.
Во секој случај, очекуваме Samsung наскоро официјално да го објави датумот на претставување на новата серија телефони.