Без разлика дали или не верувате дека петок 13 е „најбаксузниот“ ден, за него всушност се поврзани неколку интересни факти кои би требало да ги знаете.
Сигурно денеска некој ве предупредил дека е петок 13, наводно најнесреќниот од сите денови, а оние кои се суеверни стравуваат дека денеска би можело да им се случи нешто страшно.
Без разлика на тоа, добро е да се знаат неколку важни факти поврзани со петок 13.
1. Стравот веројатно влече потекло од христијанствот
Исус бил распнат во петок и оттогаш со тој ден почнуваат да се поврзуваат кобни знаци, уверен е Мајкл Бејли, професор од Универзитетот во Ајова. Тој е специјалист за суеверија од различни видови.
На пример, во средновековието никогаш не се одржувале венчавки во петок. На тој ден луѓето поретко оделе на долги патувања.
На последната вечера со Исус биле присутни 13 гости, а професорот по психологија Стујарт Вајс вели дека токму Јуда, кој го предал Исус, бил тринаесеттиот гостин.
2. Никој не знае
Иако не се знае кога петок и бројот 13 за првпат се поврзани на овој начин, Вајс и Бејли додаваат дека пред 19 век не пронашле информации за оваа „злокобна комбинација“.
3. Стравот од петок 13 има име
Стравот од петок 13, честа појава во светот, е наречен „параскевидекатриафобија“, а во симптоми влегуваат блага анксиозност, па дури и сериозни напади на паника.
4. Статистиките не покажуваат дека овој ден е побаксузен од другите
Иако за тоа веројатно нема потврда, петок 13 не се разликува од останатите денови. Германска студија спроведена во 2011 година и објавена во World Journal of Surgery помеѓу останатото истражи дали постои поврзаност меѓу баксузниот ден и зголемениот број болнички случаи. Не е забележана корелација меѓу петок 13 и болнички посети.
5. Бројот 13 е среќниот број на Тејлор Свифт
„Родена на сум на 13. Тринаесет години наполнив на петок 13. Мојот прв албум постигна слатна тиража за 13 недели. Мојот прв број 1 имаше вовед од 13 секунди“, изјави Тејлор во интервју за MTV.
Сепак, пејачката ја тужеше компанијата Lucky 13 откако онлајн почна да продава маички со истиот натпис.
