Цените на нафтата денеска паднаа на меѓународните пазари, откако податоците покажаа дека кинескиот увоз и извоз паднале повеќе од очекуваното во јули, што е уште еден знак за бавното закрепнување на најголемиот светски увозник на нафта по коронавирусот.
Цената на барел нафта на лондонскиот пазар падна за 1,33 долари во однос на претходното затворање, на 84,01 долари.
На американскиот пазар барелот се тргуваше по пониска цена од 1,23 долари, од 80,71 долари.
Увозот на нафта во Кина се намали во јули на месечна основа за 18,8 отсто и е со најниска дневна стапка од јануари. Но, во однос на истиот месец лани е повисока, за 17 отсто.
Севкупно, кинескиот увоз се намали за 12,4 отсто во јули, многу повеќе од очекуваниот пад од пет отсто.
Извозот падна за 14,5 отсто, наспроти падот од 12,5 отсто што го очекуваа аналитичарите. И покрај мрачните податоци, некои аналитичари сè уште ја гледаат побарувачката на гориво во Кина во периодот од август до почетокот на октомври.
Врвната сезона за градежништво и производствена активност започнува во септември, а потрошувачката на бензин треба да биде поддржана од летната сезона на патувања, рече аналитичарот на CMC Markets, Леон Ли.
Тој очекува побарувачката постепено да се намалува по октомври.