Колку и да беше изненадувачки кастингот на Хенри Кавил во главната улога за новиот филм на Netflix, уште поизненадувачки е како тој изгледа во улогата. Ова е напишано во целосно позитивен контекст – Хенри Кавил изгледа одлично во улогата на Гералт!
Netflix денеска објави кратко видео во кое може да се види Хенри Кавил во новата улога, многу поразлична од онаа кога го глумеше Супермен.
На почетокот од овој месец американските медиуми пишуваа дека Кавил се откажува од улогата на Супермен и го напушта DC филмскиот универзум за да се посвети на други, поинакви улоги. Појавувањето во долгометражната филмска адаптација на играта „The Witcher“ ќе му овозможи на актерот да тргне по нов пат во кариерата, па можеби и да биде препознатлив по многу повеќе од улогата на Супермен во бледите филмски изданија на DC.
Покрај промо-видеото за Хенри Кавил, Netflix денеска објави и дел од останатата актерска екипа која ќе се појави во „The Witcher“. Помеѓу нив се наоѓаат Ларс Микелсен, Ана Шафер, Џои Бети и Имон Фарен, кој се прослави со појавувањето во последната сезона на „Twin Peaks“.
