Долго време научниците претпоставуваа дека коалите можат да пијат вода од самите дрвја, конечно со видео снимка тоа и се докажа.
Додека не се виде на дело како коалите пијат вода, главната хипотеза беше дека тие водат не пијат, или пијат многу ретко, а во организмот ја внесуваат преку нивната омилена храна, листовите еукалиптус. Но, некои научници претпоставуваа дека коалите пијат вода од самите дрвја и тоа додека врне дожд.
„Се претпоставуваше коалите никогаш не пијат вода, или тоа го прават повремено. Мислам дека главната порака тука е дека наблудувањето на однесувањето во дивината е многу важно за да се добие заклучок што е нормално, а што необично и за навистина да се разберат правите потреби на животните. Доколку ги набљудуваме внимателно, тие самите ќе ни кажат“, вели Валентина Мела, одговорна на истражувањето и етнологист при Универзитетот со Сиднеј.
Додека врне дожд, коалите качени на дрво едноставно ја лижат водата која тече по стеблото. На тој начин пијат дождовница.
Истражувањето опфатило набљудување на 46 коали во дивината во период од дури 14 години, од 2006 до 2019. Најголемиот дел биле во Ју Јангс регионалниот парк во Австралија.