Холивудскиот актер Шон Пен на Twitter соопшти дека ја напушти Украина, а објави и фотографија од пат на кој се гледа редица автомобили.
„Јас и двајца колеги пешачевме со километри до границата со Полска откако го оставивме автомобилот покрај патот. Во скоро сите автомобили кои ги гледате на оваа фотографија има само жени и деца, а повеќето се без облека. Автомобилот им е единственото нешто вредно со нив“, напиша актерот.
Реакциите на неговата објава се многубројни.
„Те молам документирај сè што можеш на границата и покажи му го тоа на светот“, „Не би се сложил со Пен за многу работи, но неговите денови минати во Украина се доказ дека е чесен човек“, „Со нетрпение го чекам документарецот за Украина и за луѓето кои ги освоија нашите срца“, „Секоја чест за направеното и за тоа што го правите“, се дел од коментарите.
Шон Пен веќе со месеци се занимава со документарец посветен на тензиите меѓу Украина и Русија, а минатата недела пристигна во Украина каде снимаше за ситуацијата во таа земја.
