Ако сте средовечни и постепено добивате на тежина, најверојатно мислите дека причината е забавување на метаболизмот поради возраста. Дали е навистина така?
Метаболизмот е систем во кој телото согорува калории за да функционира и да ве одржува во живот. Тој систем има своја брзина. Општо прифатеното верување е дека метаболизмот се забавува со текот на времето, особено по четириесетгодишна возраст. Кај жените во менопауза, се смета дека забавува уште повеќе.
Меѓутоа, една студија неодамна објавена во списанието Science тврди дека не можеме да ја обвиниме средната возраст како примарна причина за зголемување на телесната тежина. Анализирајќи ги податоците од речиси 6.500 луѓе од најраните фази на животот до старост, авторите откриле дека метаболизмот е стабилен на возраст меѓу 20 и 60 години, и дури тогаш стапката на метаболизмот почнува да опаѓа за околу еден процент годишно.
Се поставува прашањето зошто воопшто се појави општиот став за забавување на метаболизмот? Одговорот не лежи во возраста, туку во начинот на живот. Иако стапката на метаболизам може да не се промени до 60-годишна возраст, факторите кои влијаат на вашиот метаболизам, најверојатно, ќе ја намалат способноста на вашето тело да ги вари мастите.
Сепак, имате моќ да направите промени што ќе го зголемат вашиот метаболизам без оглед на возраста. Постојат четири научно потврдени начини за зајакнување на метаболизмот:
Бидете активни во текот на денот
Кога се прашувате зошто се чини дека вашиот метаболизам забавил со возраста, исто така треба да се запрашате дали вашето ниво на дневна активност се забавува. Заедно со сите други здравствени ризици поврзани со премногу седење, експертите го посочуваат недостатокот на активност како најголема штета на вашиот метаболизам.
„Седењето поголемиот дел од денот значително ја намалува способноста на телото да ги вари маснотиите“, рече Едвард Кол, професор по кинезиологија и здравствена едукација на Универзитетот во Тексас во Остин.
Професорот Кол објаснува дека неговото истражување покажало дека е потребно да се направат најмалку 8.500 чекори дневно за да се одржи постоечката стапка на метаболизам.
Изберете ги вистинските вежби
Се покажа дека интервалниот тренинг со висок интензитет (HIIT) и тренингот за сила имаат статистички значаен ефект врз вашиот метаболизам. HIIT е стил на вежбање кој вклучува интензивни интервали за вежбање со зголемени отчукувања на срцето кои се менуваат со периоди на опоравување. Се покажа дека го забрзува метаболизмот, особено согорувањето на маснотиите долго откако тренингот е завршен. Едно истражување покажа дека по 12 недели HIIT вежби, мажите со прекумерна тежина ги намалиле маснотиите на стомакот за 17 проценти.
Обезбедете му на вашето тело протеини и вода
Варењето на храната всушност го забрзува вашиот метаболизам за неколку часа, бидејќи му е потребна калорична енергија за да ги обработи хранливите материи што ги јадете. Ова не значи дека треба да јадете повеќе за да го забрзате метаболизмот, но ако јадете повеќе протеини од друга храна, може да работи за да го забрзате метаболизмот.
Спиењето е клучно за закрепнување и обнова на сите процеси во вашето тело
Спиењето помалку од седум часа дневно е поврзано со голем број негативни здравствени последици, како што се зголемување на телесната тежина, дијабетес, хипертензија, срцеви заболувања, мозочен удар, депресија, ослабена имунолошка функција, зголемена болка, намалени перформанси и поголем ризик од смрт, според Американската академија.за медицина за спиење и друштво за истражување на спиењето.
За да му дадете на телото спиење што ви е потребно за одржување на здрав метаболизам и целокупно здравје и благосостојба, важно е да креирате вечерна рутина која вклучува стратегии кои го олеснуваат одморот, како што се вежби за дишење за смирување на нервниот систем.
Истражувањата покажуваат дека брзината на метаболизмот е главно во ваши раце. Ваше е да примените начин на живот што ќе влијае на процесите на вашето тело и на крајот на целокупната благосостојба.
