Познатиот рапер Доктор Дре конечно официјално се разведе од поранешната сопруга Никол Јанг, која минатата година го обвини за малтретирање.
Судејќи според фотографијата објавена на Instagram, се гледа дека музичарот е многу среќен за крајот на макотрпниот развод од Никол Јанг.
На профилот на музичкиот менаџер Брејон Прескот може да се види како раперот позира покрај балони кои ја испишуваат пораката „конечно разведен“.
„Дре штотуку ми кажа дека разводот му е финализиран. Честитки“, напиша Прескот.
Во коментарите на објавата многумина му честитаа на раперот за разводот. „Остани сам, поевтино е. Се надевам дека направи забава за разводот“, се дел од коментарите на обожавателите.
Никол и Дре беа во брак 24 години и заедно имаат две деца. Раперот со други жени има уште 5 деца.