Срушен рекордот за најбрз гол на ЕУРО: Албанија погоди по само 23 секунди

Албанија поведе во 23. секунда против Италија, а голот на Недим Бајрами е најбрзиот во историјата на Европските првенства.

Само што се тргна од центарот Италија доби аут, а Федерико Ди Марко лошо го изведе фрлајќи ја топката во шеснаесетникот кон Алесандро Бастони, а Бајрами прв ја стигна и со силен удар ја закова под гредата од голот на Џиџи Донарума.

Голот на Бајрами е убедливо најбрз во историјата на ЕУРО, откако претходниот рекордер беше Димитриј Кириченко на мечот меѓу Русија и Грција на ЕУРО 2004, кој постигна гол по 1 минута и 7 секунди.

Албанија иако рано поведе, Италија потоа за кратко го сврте резултатот во своја корист.

Веќе во 11. минута Алесандро Бастони израмни на 1:1 откако ја искористи слабата реакција на албанската одбрана по еден корнер. Само пет минути подоцна Николо Барела со фантастичен удар донесе водство за „Аѕурите“, кое до крајот го задржаа и запиша а3 бода на своето конто.

Да потсетиме, Италија ја брани титулата европски првак, а ова е втор настап за Албанците на континенталните собири.

Во првиот натпревар од оваа група синоќа Шпанија убедливо со 3:0 ја победи Хрватска.

Бајрами од 2019 игра во Калчото отккао тогаш дојде во Емполи, а од лани е во Сасуоло со кого изминатава сезона испадна од Серија А.