Сте се запрашале како би изгледале денешните државни граници доколку светот би бил ист како и пред 250 милиони години?
Толку назад во минатото на планетата земја постоел само еден континент, наречен Пангеја. Пред да почнат континенталните плочи да се раздвојуват една од друга, многу денешни држави со своите територии биле до некоја од која денес се оддалечени илјадници километри, или пак дури и цел океан.
Пангеја е најмладиот суперконтинент кој постоел од пред 300 до 180 милиони години и кој за тој период ја менувал формата. Горенаведената карта го покажува периодот од пред 250 милиони години.
А доколку ја погледнеме Европа, ќе видиме дека Средоземното Море сѐ уште не постоело. Не постоело ниту пак Егејското Море, а Грција би била доста поголема, благодарение на копното на кое денес е Егејот, а тогаш било без вода. Сличен е случајот и со Италија. Јадранското Море постоело, меѓутоа како езеро, исто како и Балтичкото.
За Македонија не би имало промени, би граничеле со истите соседи. Но, затоа пак Исланд се наоѓал помеѓу Африка и Северна Америка и граничел со Гренланд од една, а Сенегал и Мавританија од друга страна.
