Доколку сакате да го подобрите имунитетот еве кои намирници треба да ги консумирате за да ја постигнете таа цел.
Со променливите временски температури и студеното време доаѓаат и почести настинки. Добро е да се знае дека постојат доста здрави есенски намирници кои можат да помогнат во подобрување на имунитетот.
„За да бидете што поздрави, разновидната исхрана богата со овошје и зеленчук е многу поважна отколку да јадете некоја конкретна намирница“, вели нутриционистот Ребека Диткоф.
Затоа, треба да имате на ум дека клучно е да имате разновидна исхрана, а овие три есенски намирници се меѓу најздравите.
Тиквата е прилично популарна намирница во светот, многу е здрава и корисна. Бета каротенот од тиквите е важен антиоксиданс.
„Консумирањето на бета-каротен е одлична превенција од некои видови канцер, штити и од астма, срцеви болести, го намалува ризикот од мускулна дегенерација“, вели Ребека.
Тиквата содржи и доста влакна кои се важни за здравјето на цревата.
Консумирањето на едно јаболко дневно има големо влијание на здравјето. Диткоф истакнува дека ова овошје содржи доста влакна, дури четири грама по порција.
Инаку, исхраната богата со влакна е поврзана со понизок ризик од срцеви болести и дијабетес тип 2.
„И дефинитивно не треба да ја лупите кората“, истакнува таа, додавајќи дека кората е богата со полифеноли и антиоксиданси кои штитат од оксидативен стрес, поврзан со многу хронични болести.
Не само што овој зачин е вкусен додаток на разни десерти, туку е и многу здрав.
„Истражувањата покажаа дека може да помогне во борбата против инсулинска резистенција или дијабетес тип 2“, вели Диткоф.
Секако, циметот е корисен и за оние кои ги немаат тие проблеми бидејќи помага во одржувањето на нормално ниво на шеќерот во крвта.
