Откако пандемијата на COVID-19 ги паузираше летовите, многу авиокомпании се досетија за летови „кои не одат никаде“.
Во Јапонија, Сингапур и Австралија има едночасовни и двочасовни летови околу земјата со враќање на почетниот аеродром. Истите станаа многу популарни меѓу луѓето кои обожаваат да патуваат со авион.
Иако на многумина ваквите летови им звучат смешно, сепак има заинтересирани. Тоа придонесе да се активираат и летови за разгледување на термоелектраната Чернобил.
Во Украина националната авиокомпанија Ukraine International одлучи да покрене летови над Чернобил. Летовите ќе траат час и 10 минути. Во изјава на авиокомпанијата стои дека ќе понудат „лет за никаде“ на мала надморска висина над Киев и до зоната на катастрофата во Чернобил.
Првиот лет беше на 7 март, а новиот е планиран за 13 март. Авионот ќе лета на надморска висина од 900 метри, над реката Днепар, кон Чернобил, пренесе Travel Magazine.
Чернобилската зона и понатаму има голема количина зрачење, но изгледа никој не се грижи за мерките за претпазливост.
