WhatsApp продолжува да воведува нови функции во својата апликација, а сега пристигна уште една корисна и практична.
Извршниот директор на Meta, во чија сопственост е WhatsApp, Марк Закерберг, најави поддршка за споделување на екранот за време на видео-повици. Името на оваа опција зборува сама по себе и може да се користи за споделување документи, фотографии или сѐ што е на екранот на уредот.
Оваа функција е во развој веќе неколку месеци, а во мај стана достапна за бета-тестерите. До неа може да се пристапи со избирање на иконата Share, а потоа потребно е да се избере дали корисникот сака да го сподели погледот на одредена апликација или целиот екран.
Ако ова ви звучи познато, веројатно е затоа што Zoom и Google Meet имаат слични функции за споделување екран.
На овој начин, WhatsApp можеби ќе сака да влезе на деловната територија на споменатите апликации, но новата функција дефинитивно ќе биде корисна. На пример, може да му помогне на поискусен корисник од далечина да му помогне на друго лице со технички проблем и слично.
Треба да се каже дека новата функција полека стигнува до сите корисници, па некои од нив допрва треба да ја добијат.
Покрај споделувањето на екранот, WhatsApp овозможува и пејзаж режим за видео-повици.
