Втор викенд по ред „Wonder Woman 1984“ се наоѓа на врвот на американскиот бокс-офис, со заработка од 5.5 милиони долари во текот на новогодишните празници. Филмот заработи 118.5 милиони долари на глобално ниво.
Во моментов, „Wonder Woman 1984“ е зад „Tenet“, филм кој заработи 362.6 милиони низ светот. Покрај американскиот пазар, во текот на новогодишните празници, филмот заработи дополнителни 10.1 милиони долари на светскиот пазар.
„Wonder Woman 1984“ за прв пат е прикажан во американските киносали кон крајот на декември, а уште тогаш критичарите нагласија дека филмот ќе оствари голем успех.
Со оглед на пандемијата на коронавирусот, филмската индустрија се најде на голем удар, а многумина мислат дека овој филм би остварел поголем успех да не беше моменталната ситуација.
Од Warner Bros. веќе најавија забрзан развој на трет Wonder Woman филм во режија на Пети Џенкинс, со Гал Гадот во главната улога.
