Францускиот актер Жерар Депардје, близок до рускиот претседател Владимир Путин, проговори за војната во Украина и денеска повика на положување на оружјето и преговори.
Депардје зборуваше за војната во Украина, повикувајќи на положување на оружјето.
„Русија и Украина отсекогаш биле братски земји. Јас сум против оваа братоубиствена војна. Јас велам: Оставете го оружјето и преговарајте!“, рече тој.
Депардје доби руски пасош во јануари 2013 година, а зад него стоеше неговото несогласување со даночната политика на претседателот Франсоа Оланд.
„Навистина ми се допаѓа овој човек. Тој е многу моќен политичар. Има политичка мудрост“, изјави тогаш актерот за време на телевизиска програма што тогаш се емитуваше на руски јавен телевизиски канал.
