Негативниот фокус на минатото може да игра голема улога кога станува збор за депресија кај возрасните.
Ново истражување покажа дека задржувањето на траума од детството може да создаде негативни животни искуства во иднина. Tраума во детството е нешто што им се случило на многу луѓе, а последиците се неверојатно сложени. Не може секоја индивидуа да сфати дека се бори со траума. За некои луѓе тоа се случува дури откако пораснале и добиле и воспитуваат свои деца.
Сега постои студија што покажува што може да се случи ако мајката или таткото не можат да продолжат понатаму поради нивното минато. Студијата објавена Journal of Psychiatric Research истакнува дека негативниот фокус на минатото може да игра голема улога кога станува збор за депресија кај возрасните и влијанието врз сопствените деца.
Тим истражувачи проучувале 93 пациенти со депресија и 69 контролни субјекти. Сите пополнија прашалник кој ги проучуваше видовите на злоупотреба во детството и временските перспективи. Не е изненадување дека оние кои доживеале злоставување во детството упорно размислувале за своето негативно минато.
Тие, исто така, имаа поголема веројатност да се гледаат и опишуваат себеси онака како што ги дефинираат работите и најверојатно не се сеќаваат на своето минато со радост. Студијата покажа значителна врска помеѓу траума од детството и сегашното размислување.
Колку повеќе трауми доживеало едно лице во детството, толку е поголема веројатноста да се фокусира на своето минато и да не ужива во сегашноста. Кога станува збор за родител, тоа може многу да влијае на неговата способност да продолжи и да ужива во сегашниот и идниот живот со своите деца. Експертите ја нагласуваат важноста од лекување (преку психотерапија) и поддршка на оние кои имаат нерешена траума од детството за да им се помогне да напредуваат во животот и да се фокусираат на времето што доаѓа.
Треба да размислите дали сакате да ги проектирате вашите трауми врз вашето дете и околината во која сте моментално. Бидете свесни дека сега сте оние кои некому можат да бидат извор на траума или извор на убаво детство. Изборот е ваш!