На социјалните мрежи кружи нов трик со кој криминалците крадат автомобил, а тој вклучува паричка.
Овој систем се однесува на сопствениците на понови возила со системи за далечинско заклучување.
Крадците на автомобили секогаш се обидуваат да најдат нови начини да украдат автомобил. Можеби сте слушнале дека користат уреди кои го блокираат сигналот испратен од вашиот клуч при далечинско заклучување, но овој метод е многу поедноставен.
Имено, потребна им е само паричка, а ја користат така што ќе ја вметнат во рачката на совозачката врата во моментот на ваше невнимание. Ако не успеете да ја видите паричката при повторното влегување во автомобилот и да ја заклучите по пристигнувањето на локацијата, рачката на вратата нема да може да се заклучи поради паричката, а единственото нешто што им преостанува на криминалците е да влезат во вашиот отклучен автомобил.
Доколку забележите паричка, најбезбедно би било да се јавите во полиција.
Сепак, треба да се има предвид дека бравите на модерните автомобили не може да се оневозможат на овој начин, а паричката не може да спречи заклучување на возилото. Но, можеби е најдобро сами да го испробате овој трик и да видите дали заглавената паричка на вашиот автомобил може да го наруши механизмот за заклучување.
