Славниот американски актер Крис Нот, кој глумеше во серијата „Sex And The City“, е обвинет за силување.
Две жени го обвинија Нот за силување, тврдат дека тоа се случило во 2004 година и во 2015 година. Тие детално ги опишале спорните настани за Hollywood Reporter, а наведени се под псевдонимите Зои и Лили. Според пишувањето на магазинот, жените не се познаваат.
Шеесет и седумгодишниот Нот негираше такво нешто, изјави дека односите се случиле со заемна согласност и дека станува збор за лажни обвинувања.
Четириестгодишната Зои тврди дека имала 22 години кога актерот наводно ја силувал во стан во Холивуд, во 2004 година. Триесет и едногодишната Лили тврди дека била силувана во станот на Нот во Њујорк, во 2015 година кога имала 25 години, а тој 60.
Нот е познат по улогите во сериите „Law & Order“ и „Sex And The City“.
„Обвинувањата од личностите кои ги запознав пред неколку години се лажни. Овие приказни можеби потекнуваат пред 30 години или 30 дена, но „не“ значи „не“. Таа линија никогаш не сум ја преминал. Односите се случија со заемна согласност. Тешко е да не се запраша човек зошто приказниве доаѓаат во ова време. Не знам, сигурно знам дека не сум ги силувал“, порача Нот.