На социјалните мрежи често се појавуваат совети, со чија помош можете да решите разни потешкотии и да го олесните секојдневието.
Но, пред да одлучите да испробате некои нови трендови кои се однесуваат на вашето тело, прво треба да се консултирате со вашиот лекар, бидејќи можат да направат повеќе штета отколку корист.
Имено, на TikTok неодамна се појави трик за побрзо потемнување на кожата со помош на пиво. Како што покажуваат различните видеа, треба само да истурите пиво од шишето директно на вашата кожа, а потоа да се изложите директно на сончева светлина.
Меѓутоа, дерматологот од клиниката во Кливленд, д-р Шилпи Кетарпал, предупреди дека потемнувањето со пиво може да има многу штетни ефекти врз вашата кожа.
„Бев шокиран. Зошто некој би го направил ова? Мислам, покрај сè она што го мислиме за изложеноста на УВ и излегувањето надвор без крема за сончање. Зошто би ставиле нешто лепливо и неуредно по целото тело“, вели дерматологот.
Истакна дека пивото всушност може да ја спречи вашата кожа да дише, што би можело да ве направи поподложни на топлотен удар и дехидрација. Исто така, ја остава вашата кожа незаштитена од штетните сончеви зраци.
Наведе дека целосно треба да го избегнеме овој тренд и дека има многу подобри начини доколку сакаме да го забрзаме процесот на потемнување на кожата. Популарните креми за потемнување се подобра опција, но доколку сакаме да се заштитиме од сончевите зраци, најдобро би било да користиме стандардни креми за сончање.
