Познат јутјубер под корисничкото име Scuba Jake на социјалните мрежи ја објави својата снимка од подморницата „Titan“ на OceanGate, на која се нашол годинава, неколку недели пред трагедијата во која животот го загубија пет лица.
Неговата експедиција на крајот беше откажана поради неочекувани проблеми. Трагедијата во која што подморницата имплодираше со пет патници била „Mission V“, а јутјуберот бил дел од „Mission III“.
На видеото, меѓу другото, можете да видите како изгледа процесот на влегување во подморницата, нејзиното затворање однадвор со 17 завртки и нурнувањето.
„Ако експедицијата не беше откажана, можев да бидам во таа подморница“, вели Јутјуберот кој поминал девет дена на бродот OceanGate. Тој го покажа и процесот на мерење пред да влезе во подморницата.
Носев неколку чокобисквити, два сендвича и камера за да можам сето тоа да го снимам“, објасни тој. На видеото се гледа и Стоктон Раш, извршен директор на OceanGate кој загина во подморницата. Во една сцена, Стоктон го покажува и контролорот што управувал со подморницата. Исто така, на видеото се слуша Раш како вели дека го откажува нуркањето затоа што „нешто не е во ред со мозокот на подморницата“, односно со системот за контрола.
„Ова е потсетник дека животот е многу драгоцен и дека може да исчезне за секунда. Ако времето беше убаво, ако Стоктон ме прашаше дали сакам место во таа подморница, ќе отидев повторно. Можев да бидам со нив таму долу. Благодарен сум што денес сум тука, но луѓето во експедицијата беа прекрасни и јас сум им многу благодарен за целото искуство“, изјави јутјуберот на крајот од видеото, кое шокираше многумина.
„Лудило е како од прва рака си видел дека има повеќе проблеми со подморницата и дека сепак си спремен да отидеш долу“, „Храбар си што воопшто си влегол во тоа нешто“. „Ме прави лут додека го гледам како зборува. Со овие видови на проекти, ако имате какви било проблеми со функционалноста, сменете го дизајнот, а не да го поправате постоечкиот“. „Се чини дека им недостигаше системски вишок и прескокнаа многу клучни тестирања. Штета што луѓето ги загубија животите“, напишаа гледачите.
„Тврдам дека подморницата би експлодирала доколку сте нурнале во 'Mission III' на 'Титаник'. Во твоето видео, секој со знаење и искуство може да ја види целата катастрофа што следи токму за време на секвенцата пред нурнувањето. Веднаш контактирај со НТСБ и дај им го оригиналното видео за истрага. Исто така, треба да му се заблагодариш на Бога што ти го поштедил животот“, напиша еден гледач кој се претставил како пензиониран офицер на американската морнарица.
