Со враќањето на ситкомот „Frasier“ актерот Келси Грамер ќе го сруши рекордот за најдого игран ТВ лик од еден ист глумец.
Кога д-р Фрејжр Крејн ќе се појави на 12 октомври во првите две епизоди од новата серија именувана според истоимениот лик, Грамер ќе испише историја играјќи лик кој најдолго живеел на ТВ екраните.
Ликот на Фрејжр прво се појави во 3. сезона од серијата „Cheers“ (1984-1985) кога го измислија творците на оваа серија, Глен и Лес Чарлс.
Кога пролетта 1993 „Cheers“ заврши, Крамер го репризираше ликот на Фрејжр во спиноф серијата насловена токму „Frasier“, каде, нормално, беше во главна улога. Серијата траеше 11 сезони, до мај 2004, и денес важи за една од најпопуларните серии на сите времиња.
Фрејжр како гостин имаше и други ТВ појавувања, како на пр. во сериите „Wings“ и „The John Larroquette Show“.
Како што пишува Fandom, Грамер моментално е изедначен на врвот на листата за актери со најдолго играни ТВ ликови со Џејмс Арнес, кој 20 години го играше Маршал Мет Дилон во вестерн серијата „Gunsmoke“. Исто толку години (9 во „Cheers“ и 11 во „Frasier“) трае ликот на Фрејжр. Сега ќе ја почне 21 година.
Првата сезона од новата серија „Frasier“ ќе има 10 епизоди, од кои првите две една по друга ќе се емитуваат на 12 октомври на Paramount+ стриминг платформата. Потоа нова епизода ќе виде објавувана еднаш неделно.
ТВ каналот CBS ќе ја емитува серијата од 17 октомври.
