Канскиот филмски фестивал потврди дека ќе биде домаќин на премиерата на Indiana Jones and the Dial of Destiny на 18 мај.
Филмот, чии извршни продуценти се Стивен Спилберг и Џорџ Лукас, е последниот во франшизата во кој Харисон Форд ќе ја игра насловната улога.
Деталите за филмот се држат во тајност, а од она што можеме да видиме во штотуку објавениот финален трејлер, д-р Џонс ќе се соочи со поранешни нацисти во авантурата во која му се приклучува неговата кумашинка.
Џон Вилијамс, кој ја напиша филмската музика за сите авантури на Индијана Џонс од оригиналниот Raiders of the Lost Ark во 1981 година досега, повторно е композитор на оригиналната музика за филмот.
Indiana Jones and the Dial of Destiny ќе има кинопремиера на 28 јуни во Франција и на 30 јуни во САД.