Кинезите не попуштаат: Има ли надеж за поевтини европски електрични автомобили?

Прашањето дали европските производители ќе успеат да лансираат електричен модел со прифатлива цена на својот пазар, пред кинеските конкуренти, засега останува неодговорено...

Откако на крајот на минатата недела беше објавено дека Volkswagen и Renault не постигнале договор за соработка за производство на евтино електрично возило, двете компании најверојатно ќе мора заедно да се вклучат во неговиот развој.

Соработката меѓу двата автомобилски гиганти првпат се слушна во декември, кога Renault го потврди почетокот на разговорите со Volkswagen, истакнувајќи дека тие сѐ уште се во многу рана фаза. И покрај тоа што двајцата производители на крајот не можеле да се договорат, извори блиски до разговорите, на кои се повикува агенцијата Reuters, тврдат дека биле блиску до остварување соработка на овој проект.

Информациите пристигнаа само неколку дена откако најголемиот кинески производител на електрични автомобили - BYD, ја потврди претходно објавената вест за изградба на својата прва фабрика за патнички автомобили во Сегед, Унгарија, каде што веќе произведува електрични автобуси.

Кинескиот производител најави и изградба на уште една фабрика во друга, засега неименувана, европска земја и крајна цел на неговата европска стратегија – до 2030 година да стане еден од најголемите производители на електрични автомобили на Стариот континент.

Електрично Twingo стигнува до 2026?

Двата европски производители беа во повеќемесечни преговори за проект чија цел беше да се намалат трошоците за заеднички развој на мало поволно електрично возило, но на крајот Volkswagen одлучи да се откаже од договорот, објави Reuters.

Проектот требаше да доведе до развој на мал нов електричен, наследник на Renault Twingo, кој дополнително ќе го развива самиот Renault. Автомобилот треба да биде пуштен во продажба во 2026 година, со почетна цена помала од 20.000 евра.

Извори на британската агенција наведуваат дека одлуката на Volkswagen да ја напушти преговарачката маса е поттикната од новиот план кој вклучува независно развивање на механичката основа за нов мал електричен автомобил. Затоа компанијата од Волфсбург реши да го смени ставот за време на разговорите.

Reuters објави дека Volkswagen би можел да ја објави својата нова одлука за плановите за електрични возила во следните неколку недели.

Првиот модел - најевтин

Што се однесува до потенцијално најжестоката конкуренција на пазарот, автомобилските медиуми пишуваат дека првиот европски модел на BYD би можел да биде Seal. Станува збор за најевтиниот модел на кинескиот производител чија почетна цена на кинескиот пазар е околу 9.000 евра.

Сѐ уште се очекува европската верзија на тој модел, а кога конечно ќе стигне на пазарот, се претпоставува дека би требало да чини помалку од 20.000 евра.

Прашањето дали европските производители ќе успеат да лансираат електричен модел со прифатлива цена на сопствениот пазар, пред тоа да го направат кинеските конкуренти (кои во меѓувреме би можеле да станат и европски производители) засега останува неодговорено...

реклама

Се појави нов сој на коронавирусот

Read more

Илон Маск: Во иднината нема да има телефони

Read more
Брзи и лесни летни рецепти

Готвење за двајца: Брзи и лесни летни рецепти

Read more

Ново правило за користење на плажите во Грција менува сè, казни до 60.000 евра

Read more

Авто новости

Вози како жена!

Read more

Android Auto 12.2 пристигна со нови икони

Read more

Путин вторпат му подари луксузна руска лимузина на Ким

Read more

Жештината е опасна и за автомобилот: 5 работи на кои треба да внимавате

Read more
 

Автомобили

Вози како жена!

Читај повеќе

Android Auto 12.2 пристигна со нови икони

Читај повеќе

Путин вторпат му подари луксузна руска лимузина на Ким

Читај повеќе

Жештината е опасна и за автомобилот: 5 работи на кои треба да внимавате

Читај повеќе

Каков специјален Cybertruck ќе добиеме во Европа?

Читај повеќе

Проверете една работа во автомобилот пред да тргнете на патување

Читај повеќе

Новиот MINI Cooper пристигнува и во попрактично каросериско издание

Читај повеќе
  • filter

Новиот кампер VW California е достапен само во Германија, другите ќе почекаат до крајот на летото

Читај повеќе
  • filter

BMW ја претстави новата Серија 1, верзијата M135 останува на врвот на понудата

Читај повеќе