Откако против Астон Вила за малку ќе се повредеше, белгискиот голгетер одлучи дека е време за промена на начинот на прославување голови.
Ромелу Лукаку своите голови ги прославуваше така што во трчање паѓаше на колена и потоа се лизгаше по тревата. Но, во саботата кога во 15-тата минута го постигна својот прв од двата гола во победата од 3:0 над Астон Вила на домашен терен, малку фалеше да ги повреди колената откако заринка во тревата при обидот да се лизне.
„По вчерашната прослава, нема повеќе да лизгам на колена...“, твитна Лукаку синоќа, ден после натпреварот.
Останува да видиме дали Лукаку ќе се придржува до овие зборови и каква ќе биде неговата нова прослава.
Инаку, тој не е прв играч на „Сините“ кој се откажал од ваквиот начин на прослава. Во 2018 Еден Азар, кој тогаш настапуваше за Челси пред да се пресели во Реал Мадрид, ја пензионираше таквата прослава изјавувајќи дека му станала премногу болна. Тогаш дури и јавно ги покажа своите раскрвавени колена.