Најновиот филм за Спајдермен викендов го оствари третиот најдобар резултат на сите времиња во Северна Америка, заработувајќи 253 милиони долари изминатиот викенд. На светско ниво, филмот заработи 587.2 милиони долари.
Филмот „Spider-Man: No Way Home“, кој нестрпливо го очекуваа Холивуд и филмската индустрија која во текот на пандемијата бележи неуспеси, е зад „Avengers: Endgame“ (357 милиони долари) и „Avengers: Infinity War“ (258 милиони доалри) како најгледан филм во САД и во Канада.
Ова, исто така, е и најгледаниот филм на Sony. Во главната улога е Британецот Том Холанд.
Втор на листата е „Encanto“ со заработка од 6.5 милиони долари. Зад него е мјузиклот на Стивен Спилберг, „West Side Story“ со заработка 3.4 милиони долари во вториот викенд од прикажување.