По речиси 20 години психијатарот Фрејжр Крејн се враќа на малите екрани, а сега излегоа први фотографии од новите епизоди.
Paramount+ не објавува детали за дејството на приказната, но она што се знае е дека местото на настаните е Бостон, градот каде д-р Крејн живееше во оригиналната серија „Cheers“, каде прв пат се појави овој лик. Потоа, со својата серија „Frasier“ беше во родниот Сиетл.
Ќе има нови ликови, но ќе гостуваат и некои добро познати фаци како Биби Њувирт, која ја глумеше неговата поранешна сопруга Лилит, и Пери Гилпин како Роз Дојл, неговата продуцентка и пријателка.
Првата епизода насловена како „The Good Father“ ќе биде премиерно прикажана на 12 октомври на Paramount+, а на 17-ти првите две епизоди ќе одат и на CBS. Сезоната ќе има 10 епизоди од по 30 минути, а последната ќе биде пуштена на 7 декември.
