Серхио Расмос (35) нема да игра на Европско првенство. Тренерот Луис Енрике не го повика бидејќи шпанскиот капитен не бил физички подготвен.
Зад ѕвездата на Реал е тешка сезона во која тој одигра само 21 натпревар и 1.790 минути. Рамос, особено оваа година, го мачеа повреди. Не можеше да му помогне на Реал во борбата за трофеи, без кои клубот остана, а сега нема да може да ѝ помогне на репрезентацијата со која освои сè. Покрај тоа, тој сè уште преговара со шефот на Реал, Флорентино Перес за нов договор и има солидни шанси да го напушти клубот по 16 години.
Рамос се огласи на Instagram.
„По неколку зае*ани месеци и чудна сезона каква што никогаш не сум доживеал во мојата кариера, доаѓа ЕУРО. Се борев и работев напорно секој ден со тело и душа за да бидам на 100 проценти за клубот и репрезентацијата , но работите не одат секогаш како што би сакале. Ме боли што не можев да му помогнам на Реал и дека нема да играм за Шпанија, но во овој случај е најдобро да се одморам, да се опоравам и да се вратам следната година, како и секогаш. Секако, ме боли тоа што нема да можам да ја претставувам својата земја, но мора да се биде искрен. Им посакувам на моите соиграчи многу среќа и големо Европско првенство. Ќе навивам пред ТВ."
