Судот во Москва ја отфрли жалбата на компанијата Meta за екстремистички обвинувања, што значи дека оваа компанија мора во целост да си замине од рускиот пазар.
Руските медиумски агенции објавија дека компанијата Meta побарала повеќе време за да се подготви за одбрана пред судот, бидејќи се соочуваат со национална забрана, на иницијатива на државниот обвинител на Русија.
Адвокат на Meta изјави дека оваа компанија не спроведува екстремистички активности за кои е обвинета, ниту промовира русофобија.
Русија веќе го забрани Facebook поради ограничување на руските медиуми, додека Instagram е блокиран откако претставници на Meta изјавија дека ќе им дозволат на корисниците во Украина да објавуваат содржина која промовира насилство против рускиот претседател и војската во Украина.
Руските обвинители ја означија Meta и социјалните мрежи со кои управува за екстремистички, што е израз кои го користеа за групи како што се талибанците и Исламска држава, но и за Алексеј Навални. Обвинителите не се огласија за апликацијата WhatsApp за допишување на руска територија, но ако и Meta биде официјално означена како екстремистичка ќе мора во целост да се повлече од рускиот пазар.
Рускиот државен регулатор за комуникации Роскомнадзор, кој неодамна ги блокираше Facebook и Instagram на поголем дел од руската територија, објави дека се сложува со забраната на активности за компанијата мета.
Во меѓувреме. Русија развива свој интернет, Рунет, целосно одвоено од глобалната мрежа.