Режисерот и актер Џон Пен, кој неодамна беше во Украина каде снимаше документарец, во интервју за CNN откри што мисли за лидерот Володимир Зеленски и за украинскиот народ.
Пен го даде првото интервју по напуштањето на Украина. Во разговор со Андерсон Купер за CNN, тој го пофали украинскиот претседател Володимир Зеленски, со кој се сретнал ден пред инвазијата и на самиот ден на инвазијата.
„Беше јасно дека сум во присутност на нешто. Тоа беше нешто нов за модерниот свет во смила на храброста, достоинството и љубовта. Тоа беше исклучителен момент, начинот на кој ја обедини таа земја. Бев импресиониран и трогнат од него и преплашен за него и за Украина“, изјави актерот и повика за помош на Украина.
Додаде дека неговата непрофитна група прави се за да им помогне на луѓето во Украина, ги снабдува со хигиенски средства, бегалците добиваат финансиска помош и вода.
Раскажа и дека животот на Украинците е променет од темел и дека сега живеат во нова реалност.
„Многу луѓе, меѓу нив и многу богаташи, ги оставија бизнисите и сметките во банка, тоа е сега нивната нова реалност“, вели Пен.
Тој вели дека неговата посета на Украина е за да му ја раскаже на светот вистината за таа земја. Според него, Путин нема така брзо да се повлече.
Шон Пен веќе неколку месеци се занимава со документарец за тензиите меѓу Русија и Украина.
„Брутална грешка се одземените човечки животи, ако Путин не попушти ќе ја направи најстрашната грешка за целото човештво“, смета Пен откако ја виде состојбата во таа земја.