Мери Бери е позната британска готвачка, писателка и телевизиска водителка.
Нејзината прва телевизиска серија „Afternoon Plus with Judith Chalmers“ излезе во раните 70-ти. Откако родила три деца, таа продолжила да пишува книги и да снима телевизиски серии за BBC од нејзиниот дом во Бакингемшир. Во 90-тите, таа дури ја започна својата „Aga Workshop“, кулинарско училиште дома, со над 12 илјади посетители во текот на 16 години.
Таа има напишано преку 80 книги за готвење и продолжува да пишува секоја година и по нејзиното кулинарско шоу на BBC. За нејзиниот придонес во кулинарската уметност во 2012 година, Мери Бери беше наградена со Орден на Британската Империја, а во 2014 година ја доби националната награда како кулинарски автор.
Потребни состојки:
За колачот:
- 225 gr омекнат путер плус за подмачкување на калапот
- 4 јајца
- 225 gr шеќер
- 300 gr саморастечко брашно (остро брашно со малку сода бикарбона)
- 2 рамни лажички прашок за пециво
- 4 лажици млеко
За филот:
- 2 лажици џем од јагоди
- 1 лажичка сок од лимон
- 300 gr мали свежи јагоди исчистени и преполовени
- 300 ml изматена полномасна слатка павлака
- 200 ml полномасно свежо сирење или намаз од сирење
- шеќер во прав за посипување
Подготовка:
Загрејте ја рерната на 180°C. Тавата за печење намачкајте ја со путер и покријте ја со хартија за печење, дното и страните.
Измерете ги сите состојки за колачот и ставете ги во поголем сад. Матете ги со миксер околу 2 минути додека не се соединат. Истурете ја смесата во подготвениот плех и израмнете ја површината.
Печете во рерна околу 35 минути, или додека колачот не се одвои од тавата. Кога ќе го притиснете врвот на прстот во средината, тој мора повторно да се подигне. Оставете во плехот да се излади.
Извадете ја тортата и исечете ги рабовите за да бидат совршено рамни. Исечете по должина на три ленти, па секоја лента исечете ја така што ќе добиете девет парчиња 7x3 cm. Секое парче хоризонтално пресечете го на половина како пециво за сендвич.
За филот ставете го џемот во сад и прелијте го со сокот од лимон, па измешајте ги со лажица. Промешајте ги јагодите за да добиете глазура во џемот. Измешајте ги павлаката и крем сирењето и ставете поголема количина од тој слој помеѓу двете половини од колачот. На тој слој ставете две-три глазирани јагоди и покријте го со другата половина од колачот. Посипете со шеќер во прав и послужете.
