Полицијата успеала пилотот да го извади секунди пред воз да ја смачка цесната распарчувајќи ја до непрепознатливост.
Несреќата се случила во населбата Пакоима во Лос Анџелес, во американската сојузна држава Калифорнија.
Пилотот бил сам во авионот Cessna и имал неуспешно полетување по што се срушил на прометна железничка пруга изведувајќи принудно слетување.
Го преживеал падот, а навремено реагирала локалната полиција. Полицајците го извадиле повредениот пилот секунди пред залетаниот воз да ја распарчи цесната.
ЛАПД објави видео снимено од камерата прикачена на униформата на еден од полицајците кои учествувале во спасувачката мисија. На сензационалното видео се гледа како во последен момент пилотот е спасен.
„Полицајците покажаа хероизам и брза реакција спасувајќи го животот на пилотот кој изведе итно слетување на пругата кај ул. 'Сан Фернандо' и ул. 'Озборн', кратко пред воз да се судри со авионот“, напишаа ЛАПД.
„Авионот имаше неупешно полетување и слета на пруга на фреквентно место. Секунди пред судирот полицајците го спасија пилотот, а парче од авионот за малку не ме погоди“, вели 21-годишниот композитор Луис Хименес кој се нашол на местото на несреќата и направил видео од тоа како возот го распарчува авионот.
На пилотот веднаш му била укажана медицинска помош поради исеченици и модрици здобиени при патот и се наоѓа во стабилна состојба. Локалните медиуми јавија дека во возот никој не бил повреден од судирот.