23-тото издание на Скопје филм фестивал нуди богата програма за љубителите на филмот и филмската уметност.
Програмата ќе се одржи од 9 до 16 септември, во соработка со Кинотека на Северна Македонија. Убава промена и освежување е програмата Денови на квир кино составена заедно со Млади артивисти.
Проекциите ќе бидат на отворено, со строго запазување на мерките за заштита од COVID-19 т.е. задолжително е носење на маски и држење дистанца.
Билетите се бесплатни, но мора да се подигнат пред проекцијата заради ограничениот број на места.
За време на фестивалот ќе може да се види и изложбата на минималистички постери за филмови на Фелини на светски познатиот графички дизајнер Зоран Кардула по повод 100 годишнината од раѓањето на Федерико Фелини. Изложбата ќе биде поставена во галеријата на Кинотека на Северна Македонија. Изложбата ќе биде отворена за времетраење на фестивалот, во галеријата ќе можат да влезат ограничен број на посетители.
Зоран Кардула е плоден автор, препознатлив по својот стил, со широк опсег на интерес кој вклучува режисери, уметници, борци, бруталистичка архитектура, Арт Деко и Баухаус стил , редизајн на продукти од ерата на Југославија...