Иднината на студиото DC е во рацете на Џејмс Ган и Питер Сафран, а режисерот и продуцентот се исто така задолжени за оживување на Superman.
Успехот на најновата филмска адаптација на легендарниот суперхерој, Superman: Legacy, може да биде клучен за иднината на студиото Warner Bros, особено имајќи предвид какво разочарување беше The Flash.
Иако потрагата по главните актери е обвиткана во тајност, според извори на The Hollywood Reporter, дошло до протекување на информации. На 17 јуни беше снимена тест снимка со тројца потенцијални актери и три актерки за улогите на Кларк Кент и Лоис Лејн. Актерите и актерките беа тестирани во парови, вклучувајќи ги Николас Холт и Рејчел Броснахан, Том Бритни и Фиби Дајнвор и Дејвид Коренсвет и Ема Меки. Следниот ден, актерите направија пробни кадри во костимот на Супермен, а од актерките беше поканета само Ема Меки.
Откако Ган и Сафран ќе се одлучат за протагонистите, тие ќе тргнат во потрага по главниот негативец на филмот, Лекс Лутер. Според изворите, браќата Александар и Бил Скарсгард во моментов се во конкуренција за улогата. Александар Скарсгард имавме можност да го видиме во филмот The Northman и серијата Succession, додека Бил Скарсгард е познат по улогата во римејкот на хоророт It.
Снимањето ќе започне во 2024 година, а премиерата е закажана за јули 2025 година. Со Ган и Сафран на чело, Superman: Legacy треба да воведе нова ера на кинематографскиот универзум на DC и да ги врати богатствата на Warner Bros, по голем број неуспеси во изминатите неколку години.
