Продуцентската куќа Showtime ја објави играната серија „The Comey Rule“ за кампањата и првите месеци на Доналд Трамп како американски претседател. Објавувањето на серијата се совпадна со почетокот на немилосрдната борба за нов мандат.
Освен борбата за власт, пред контроверзниот американски претседател е и борбата за сопствениот живот. Откако го исмеа носењето маски во дебатата со Џо Бајден, Трамп заедно со сопругата Меланија се зарази со COVID-19.
САД веќе се во тешка здравствена и економска криза, со 30 милиони изгубени работни места. Само Disney објави дека овие денови ќе бидат отпуштени 30.000 вработени откако филмската индустрија мака мачи со мистериозниот вирус.
Вниманието на американската јавност овие денови е свртено кон мини-серија направена според бестселер на New York Times. Станува збор за политичка драма премиерно прикажана на 27 септември, за приказната на претседателската кампања на Трамп во 2016 година и првите месеци на Трамп како претседател на најмоќната држава во светот.
Првиот дел на серијата ја следи истрагата за електронската пошта на Хилари Трамп и нивното влијание на резултатот на изборите, додека втората епизода се фокусира на првите денови на Трамп во Белата куќа во 2017 година.
Џејмс Коми за проектот вели дека ја носи приказната за денешна Америка и времето на лажни информации, време кога треба да се направи најдобар избор меѓу ужасните опции кои се нудат. Поранешниот директор на ФБИ порачува како и државата и владеењето на правото се поважни од која било партија.
Актерот Брендан Глисон го претставува Трамп во полно светло. Адаптацијата на книгата и режијата е на Били Реј („The Hunger Games“ и „Captain Philips“), а проектот нуди увид во хаосот кој владее во администрацијата на Трамп.
Републиканците серијата „The Comey Rule“ ја етикетираа како добросмислена пропаганда против Трамп. До изборите има уште еден месец, а светот овие денови се прашува што би се случило доколку Трамп поради коронавирусот и хоспитализацијата мора да се повлече од претседателската трка.
Ниту еден американски кандидат во историјата на САД досега не умрел ниту поради болест ја прекинал кампањата. Во премиерното прикажување „The Comey Rule“ серијата ја гледале скоро милион потенцијални гласачи на изборите.