Сите сме се обиделе да изгубиме тежина во одреден момент. Некои вежбале, некои следеле строга диета, а други пробувале трикови што ги пронашле на интернет.
Иако малку од тие совети се ефективни, понекогаш од љубопитност сакаме да видиме дали функционираат. Најпопуларниот совет на социјалните мрежи е да се напиете чаша топла вода на почетокот на денот. Се вели дека промовира губење на тежината, а тоа го прават и познати личности како Меган Маркл и Елизабет Харли.
„Пиењето топла вода за слабеење е всушност мит“, порача нутриционистката Анџали Мукерџи на Instagram.
Според неа, многу луѓе веруваат дека тоа може да им помогне да ги изгубат вишокот килограми, но вели дека помага само за подобрување на варењето.
Топлата вода го стимулира варењето. Пиењето топла вода после оброк може да помогне во детоксикацијата.
Клучот за успешно слабеење е вежбањето и исхраната. Важно е да вежбате и да согорувате повеќе калории отколку што консумирате преку храната. Исхраната треба да се заснова на хранлива и нискокалорична храна, како што се овошје, зеленчук, јаткасти плодови, житарици, посно месо и риба. Покрај тоа, важно е да пиете доволно вода во текот на денот.
