Пудингот од банани е идеален рецепт за летните денови кога не сакате да минувате многу време во кујната правејќи некои вкусни десерти, бидејќи за неговата подготовка потребни се само 15 минути.
Многу е освежителен, а можете да го збогатите со разни додатоци како што се мелени бисквити и шлаг.
Потребни состојки:
- 2 зрели банани
- 350 мл млеко
- 2 лажици густин
- 2 лажици мед
- неколку капки екстрат од ванила
- шлаг (опционално)
- мелени бисквити (опционално)
- парчиња банана (опционално)
Подготовка:
Во сад измешајте две лажици млеко со две лажици густин. Со виљушка изгмечете ги бананите и ставете ги во тенџере. Додадете им мед и преостанатото млеко. Варете на тивок оган непрестајно мешајќи.
Пред да почне да врие додадете ја смесата од млеко и густин. Нека вари додека не се згусне. На крајот додадете неколку капки екстрат од ванила.
Овој пудинг потребно е прво малку да се излади на собна температура, па потоа да се стави во садови за сервирање. Можете да додадете изматен или готов шлаг, како и мелени бисквити и парчиња (тркалца) банана.