Социјалните мрежи се преплавија со разни шпекулации за паднат метеорит во дворот на училиште во Австралија, а наводно НАСА била повикана да го испита случајот. Но, не е сѐ онака како што изгледа.
Многу анегдоти и теории се појавија, а луѓето дискутираа онлајн и се собираа на местото на настанот во потрага по одговори. Но, не помина долго време за астрономите аматери да ја откријат вистината, која даде многу понеобично потекло на вселенската карпа.
„Примивме куп прашања од целиот свет“, вели Марк Ален, директор на Маланда државното училиште во крајниот северен дел на сојузната држава Квинсленд.
Потоа Ален ја откри тажната вистина за метеоритот: всушност бил проект на учениците. Вежбата имала за цел да ги подучи учениците како да постапат при таков случај. Требало да пријават дека виделе паднат метеорит, потоа интервјуирале сведоци, а околу местото на настанот имало и полиција за сцената да изгледа пореална. Но, никој не очекувал дека многумина ќе се излажат, а наводно некој настанот го пријавил и во НАСА.
„На локалната полиција многу ѝ се допадна идејата да им помогне на учениците да ја направат сцената пореална. Ова е мало гратче, никој не очекуваше дека ќе стане вирално“, вели локалниот жител Даниел Мос.
