Идеален десерт да ги изненадите гостите, особено кога немате многу време за готвење.
Потребни состојки:
-30 до 40 бисквити
-3 шолји млеко
-1 шолја слатка павлака
-половина шолја шеќер
2 лажици какао
-160 г темно чоколадо
-1/3 шолја густин
-1 шолја млеко (за бисквитите)
-1 лажица турско кафе (може и повеќе, според вкусот)
Начин на подготовка:
Изматете го млекото со густин за да добиете глатка смеса без грутки.
Во тенџере сипете го преостанатото млеко, слатката павлака, шеќерот, какаото и загрејте додека шеќерот не се стопи. Кога смесата ќе зоврие, намалете ја температурата да биде ниска па додадете го млекото со густинот и мешајте додека не згусне. Тргнете од шпоретот и додадете рендано чоколадо, мешајте додека не се стопи. Оставете настрана да се олади.
Измешајте шолја млеко со кафе па во таа смеса ставете ги бисквитите, а потоа редете ги во послужавник. Еден ред бисквити, еден ред од кремот, па уште еден ред бисквити, еден ред крем, па уште еден ред бисквити. На крајот да биде крем.
Колачот ставете го во фрижидер да постои најмалку 4 часа, а пред сечење изрендајте малку чоколадо.
Доколку по дома немате густин, слична варијанта може да направите и со две кесички чоколаден пудинг, а наместо кафе да додадете лажичка рум во млекото.
