Иако важи за еден од најшармантните актери во Холивуд, а многумина уживаат во неговите романтични комедии, сепак Овен Вилсон е прилично остар кога станува збор за неговата ќерка.
Девојчето има три години, но тој не сака ниту да го види, ниту да го слушне, ниту да го запознае своето најмладо дете.
Овен Вилсон ја доби ќерката Лајла со поранешната девојка Варуни Вонгсвиратс. Според пишувањата на странските медиуми, тој никогаш не остварил контакт со детето.
Тоа не е случај со неговите два сина, 10-годишниот Роберт и 7-годишниот Флин, кои ги има со две различни жени.
Сепак, третото дете ја нема таа среќа да расте покрај татко. Варуни откри пред јавноста дека не ја запознал малечката, и покрај молбите да биде вклучен во нејзиното детство. Тој ги одбил нејзините молби.
Девојчето пред неколку дена наполни три години, а изгледа како копија на својот татко.
„Тој финансиски помага, но работата не е во тоа. На Лајла и е потребен татко. Во филмовите глуми улоги на грижлив татко, а никогаш не ја видел сопствената ќерка“, раскажа Варуни која беше 5 години во врска со актерот пред да се разминат.
Тој побара ДНК тест за детето, тестот потврди дека Лајла е негова ќерка. Раскинаа откако Варуни му соопшти за бременоста. Никогаш го нема запознаено девојчето, а по веста за бременоста го променил телефонскиот број и тоа било последен пат кога се слушнале.
