Жителите на североисточниот дел на Мексико останаа зачудени кога зеленкаста огнена топка го осветли ноќното небо во вторникот вечерта и предизвика разни теории.
Стотици очевидци го преплавија интернетот со коментари и снимки од северната сојузна држава Нуево Леон. Се претпоставува дека необичниот феномен е метеорит.
Спектакуларното светлечко шоу предизвика лавина од разно-разни шпекулации за тоа што се случило. Повеќето шпекулираа дека се работи за дел од Драконидите, метеорски дожд кој на небото е видлив од 6 до 11 месецов со околу 20 метеори секој час. Нормално, тука се и оние неверојатни теории како тоа дека феноменот е дело на Елон Маск или на вонземјани.
Локалните пожарникари морале да интервенираат на неколку места за да го изгаснат огнот предизвикан од запалените делчиња кои паднале во нискостеблест предел и започнале пожар.
Глетката е пријавена од жители на градовите Сиудад Викторија, Монтереј, Тамаулипас и Тула, меѓу другите. Мексиканските власти отворија истрага.
